Kevin De Bruyne er ekki lengur varafyrirliði Manchester City eftir nýja kosningu meðal leikmanna liðsins.
Samkvæmt frétt The Telegraph er Fernandinho enn fyrirliði liðsins en hann skrifaði undir eins árs framlengingu á samningi sínum við liðið. Næstir koma Ilkay Gundogan og Ruben Dias. De Bruyne er fjórði í röðinni.
De Bruyne var síðast fyrirliði Manchester City í úrslitaleik Meistaradeildarinnar en liðið tapaði þeim leik gegn Chelsea.
Pep Guardiola, stjóri Manchester City, hefur látið leikmenn sína velja fyrirliða frá því að Vincent Kompany yfirgaf félagið árið 2019. David Silva tók þá við í eitt ár frá 2019-2020 en Fernandinho hefur verið fyrirliði síðan.
