Barcelona leggur mikla áherslu á að fá Raheem Sterling, leikmann Manchester City, að láni frá félaginu í næsta félagsskiptaglugga.

Sterling hefur ekki verið með öruggt byrjunarliðssæti upp á síðkastið og telur blaðið Sport að Sterling sé opinn fyrir því að yfirgefa Manchester City og semja við Barcelona í von um meiri spilatíma.

Sterling var áður fastamaður í byrjunarliði City en hefur verið mikið á bekknum frá því á seinni hluta síðasta tímabils. Hann er þó einn af uppáhaldsleikmönnum enska landsliðsþjálfarans en hann byrjar alla leiki þar.

Barcelona er í miklum fjárhagsvandræðum og því virðist lánssamningur vera eini möguleikinn þar sem klúbburinn mun að öllum líkindum ekki hafa efni á kappanum á annan hátt.