ÍBV fór illa með Fylki í lokaumferð Pepsi Max-deildar kvenna í kvöld. Leikið var í Vestmannaeyjum.
Viktorija Zaicikova skoraði tvö mörk fyrir heimakonur í fyrri hálfleik. Staðan í leikhléi 2-0.
Olga Sevcova skoraði þriðja mark ÍBV um miðbik seinni hálfleiks. Stuttu síðar fullkomnaði Zaicikova þrennuna og kom Eyjakonum í 4-0.
Sevcova átti svo eftir að skora eitt mark áður en leiknum lauk. Lokatölur 5-0.
ÍBV lýkur tímabilinu með 22 stig og er í sjötta sæti eins og er. Þær gætu endað í því sjöunda, vinni Þór/KA sinn leik í lokaumferðinni.
Fylkiskonur voru fallnar niður í Lengjudeildina fyrir leikinn í dag. Þær ljúka keppni á botni deildarinnar með 13 stig.
