Fjölnir vann ÍBV á heimavelli í Lengjudeild karla í kvöld. Um var að ræða frestaðan leik frá því í 18. umferð.

Sito kom gestunum yfir strax á 2. mínútu leiksins. Það reyndist eina mark fyrri hálfleiks.

Michael Bakare jafnaði metin fyrir Fjölni eftir klukkutíma leik. Þegar fimm mínútur lifðu leiks skoraði hann svo sigurmarkið. Lokatölur 2-1.

ÍBV er áfram í öðru sæti með 41 stig. Liðið er 4 stigum á undan Kórdrengjum og 5 stigum á undan Fjölni.

Eyjamenn eiga þó eftir að leika þrjá leiki á meðan hin liðin tvö eiga aðeins tvo leiki eftir. Liðið er því áfram í kjörstöðu upp á það að komast upp í Pepsi Max-deildina þrátt fyrir tapið í kvöld.