Håkan Mild, framkvæmdastjóri IFK Gautaborgar í Svíþjóð vill ekki tjá sig efnislega um málefni Kolbeins Sigþórssonar framherja félagsins. Þeir Kolbeinn Sigþórsson og Rúnar Már Sigurjónsson verða ekki með A-landsliði karla í komandi landsleikjum gegn Rúmeníu, Norður-Makedóníu og Þýskalandi.

Stjórn Knattspyrnusambands Íslands ákvað að banna Kolbeini að mæta í verkefnið. Guðni Bergsson sagði af sér sem formaður KSÍ um helgina og stjórnin fylgdi í kjölfarið. að Þórhildur Gyða Arnardóttir steig fram í fréttum RÚV á föstudag og greindi frá því að árið 2017 hafi þekktur landsliðsmaður áreitt hana kynferðislega og ráðist svo á hana, og sagði að Guðna og KSÍ hafi verið vel kunnugt um málið. Vísir.is heldur því fram að gerandi Þórhildar sé Kolbeinn.

Framherjinn hefur játað brot sitt fyrir Þórhildi, hann hitti Þórhildi og baðst afsökunar. Að auki greiddi hann Þórhildi miskabætur.

„Samtalið er hafið innanhús, síðan verðum við að halda áfram út frá. Ég vil bara komast að því sem hefur gerst og hver bakgrunnur málsins er, þegar þú heyrir af svona máli þá er þetta mál sem þú skoðar,“ sagði Mild við sænska fjölmiðla um stöðu mála.

„Ég hef rætt við Kolbein, þetta gerðist fyrir fjórum árum og það er sátt á milli aðila. Núna ræðum við málið hér hjá Gautaborg. Þannig er staðan.“

Þegar Mild var spurður að því hvort Gautaborg íhugaði að rifta samningi Kolbeins. „Slík umræða er innan okkar raða.“