Íslenska landsliðið kom saman í gær í skugga þeirra vandamála sem ríkt hafa á skrifstofum KSÍ, Guðni Bergsson og stjórn sambandsins hefur sagt af sér.

Málið tengist ásökunum á hendur landsliðsmanna í knattspyrnu en formaðurinn og stjórnin féll vegna málsins.

Íslenska landsliðið kom saman til æfinga í Laugardalnum í gær þar sem Arnar Þór Viðarsson og Eiður Smári Guðjohnsen reyna nú að gíra mannskapinn upp í þrjá mikilvæga leiki í undankeppni HM. Liðið mætir Rúmeníu á fimmtudag, Norður-Makedóníu á sunnudag og svo er heimaleikur gegn Þýskalandi í næstu viku.

Liðið er án magra lykilmanna en Gylfi Þór Sigurðsson er sakaður um kynferðisbrot á Englandi en hafnar sök, Arnari og Eiði var bannað af stjórn KSÍ að velja Kolbein Sigþórsson vegna brots sem hann framdi árið 2017. Kolbeinn hafði játað sök og greitt miskabætur.

Aron Einar Gunnarsson glímir við eftirköst af COVID-19, Alfreð Finnbogason er meiddur og Rúnar Már Sigurjónsson bað um frí af persónulegum ástæðum ef marka má yfirlýsingu KSÍ.

Myndir af æfingunni má sjá hér að neðan.