Þór tók á móti ÍBV á SaltPay vellinum í Lengjudeild karla. Leikmenn ÍBV hafa verið í sóttkví undanfarið vegna Covid-19 smits.
Fyrri hálfleikur var nokkuð opinn og skemmtilegur og fengu bæði lið ágætis færi en inn fór boltinn ekki og markalaust þegar flautað var til hálfleiks.
Breki Ómarsson braut ísinn fyrir ÍBV á 61. mínútu og dugði það til að tryggja ÍBV þrjú mikilvæg stig í toppbaráttunni.
ÍBV er í 2. sæti með 38 stig eftir 17 leiki. Þór er í 10. sæti með 20 stig, níu stigum frá Þrótti í fallsæti.
Þór 0 – 1 ÍBV
0-1 Breki Ómarsson (´61)
