fbpx
Fimmtudagur 18.september 2025
433Sport

Pepsi Max-deild karla: Kiddi Jóns hetja KR – Víkingar á toppinn

Helgi Fannar Sigurðsson
Sunnudaginn 29. ágúst 2021 18:58

Kristinn Jónsson.

Ekki missa af Helstu tíðindum dagsins í pósthólfið þitt

Lesa nánar

Tveimur leikjum er nýlokið í 19. umferð Pepsi Max-deildar karla.

FH 1-2 Víkingur Reykjavík

Víkingur vann mjög mikilvægan útisigur á FH.

Nikolaj Hansen skoraði eina mark fyrri hálfleiks eftir sendingu frá Pablo Punyed.

Erlingur Agnarsson tvöfaldaði forystu Víkinga á 53. mínútu. Hann skoraði þá með skalla eftir fyrirgjöf Kristals Mána Ingasonar.

Björn Daníel Sverrison minnkaði muninn fyrir FH þegar hann skoraði með hjólhestaspyrnu.

FH gerði atlögu að marki Víkinga í lok leiks en tókst ekki að finna annað mark. 1-2 sigur Víkings staðreynd.

Víkingur er á toppi deildarinnar með 39 stig eftir 19 leiki. Breiðablik, sem er í öðru sæti með stigi minna, á þó leik inni.

FH siglir lignan sjó um miðja deild, eru með 26 stig í sjötta sæti.

KR 2-1 Leiknir Reykjavík

KR tók á móti Leikni og vann góðan sigur.

Eftir nokkuð fjörugan fyrri hálfleik var staðan markalaus.

Það voru gestirnir sem komust yfir um miðjan seinni hálfleik með marki Daníels Finns Matthíassonar eftir undirbúning Daða Bærings Halldórssonar.

Þegar 20 mínútur lifðu leiks jafnaði Kristinn Jónsson fyrir KR.

Það var svo á 87. mínútu sem Kristinn skoraði sitt annað mark og tryggði heimamönnum mikilvæg þrjú stig. Lokatölur 2-1.

KR er í fjórða sæti deildarinnar með 35 stig, 3 stigum á eftir Breiðabliki sem er í Evrópusæti og 4 stigum á eftir toppliði Víkings.

Leiknir er í áttunda sæti með 22 stig eftir 19 leiki, 6 stigum fyrir ofan fallsvæðið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Væri til í hliðarraunveruleika til að ræða við Óskar Hrafn um Óskar Hrafn – „Þegar þeir verða litlir þá verð ég lítill í mér“

Væri til í hliðarraunveruleika til að ræða við Óskar Hrafn um Óskar Hrafn – „Þegar þeir verða litlir þá verð ég lítill í mér“
433Sport
Fyrir 16 klukkutímum

Ten Hag hafnaði nýju starfi – Hefði kostað hann mikla peninga

Ten Hag hafnaði nýju starfi – Hefði kostað hann mikla peninga