Jack Grealish sem er dýrasti knattspyrnumaður í sögu enska boltans hefur verið gómaður á stefnumótaforritinu Raya. UM er að ræða forrit sem ríka, fræga og fallega fólkið notar. Á meðan hið venjulega fólk fer á Tinder þá er Raya forrit sem þú þarft að greiða fyrir og ekki fá allir aðgang að Raya.

Þetta kemur enskum blöðum í opna skjöldu enda hafa þeir fjallað um það að Grealish væri í ástarsambandi með Sasha Attwood.

Grealish og Sasha voru par þegar þau voru á táningsaldri en hafa verið að hittast á nýjan leik. Sasha var mætt á alla leiki Englands í sumar og sat með eiginkonum leikmanna liðsins.

Grealish varð dýrasti leikmaður í sögu enska boltans fyrir tíu dögum þegar Manchester City krækti í hann frá Aston Villa, kaupverðið voru 100 milljónir punda.

Grealish var ein af stjörnum Englands á Evrópumótinu þrátt fyrir að vera ekki í stóru hlutverki en enska þjóðin dýrkar hann.