Gary Neville, knattspyrnuspekingur, fór yfir málin í fyrsta hlaðvarpsþætti sínum á nýju tímabili. Hann ræddi meðal annars um Rafa Benitez og Everton og hvað þjálfarinn og félagið henda hvort öðru vel.

„Ef ég væri spurður hvernig þjálfari Everton liti út myndi ég segja Rafa Benitez. Hann skapar góðan anda, gott skipulag, og er dálítið ákveðinn. Við elskum ólíka stíla í ensku úrvalsdeildinni og lið sem halda boltanum, en ég held ekki að Everton ætti að vera slíkt lið,“ sagði Neville.

„Í mínum augum einkennist þeirra stíll af því hvernig þeir spiluðu undir stjórn David Moyes, eða á níunda áratugnum þegar þeir voru meistarar með Sharp og Gray frammi — þeir voru ágengir og komu boltanum hratt fram völlinn. Það er engin ástæða fyrir þá að koma ekki boltanum srax á framherjana Richarlison og Dominic Calvert-Lewin — við erum ekki að tala um að sparka honum bara eitthvað fram. En ég held að Everton ætti að spila ákveðnari fótbolta en önnur lið — ég held að það sé þeirra stefna.

Þegar þú ferð á Goodison Park þá viltu ekki sjá 100 sendingar sem leiða að marki, heldur fyrirgjafir, pressu, föst leikatriði, þeir vilja hraða í leikinn. Ég held að Rafa eigi eftir að fá þá til að spila þannig fótbolta,“ sagði Neville en hann talaði jafnframt um tengingu Rafa Benitez við erkifjendur Everton í Liverpool.

„En það er eitthvað óþægilegt við tengingu Rafa við Liverpool og ást hans á klúbbnum, hann er enn dýrkaður af Liverpool aðdáendum fyrir það sem hann afrekaði með félaginu.

Það er erfitt fyrir Everton aðdáendur að kyngja því að þjálfari sem hentar þeim svo vel sé með þessi tengsl við erkifjendur þeirra. Það er eitthvað við það sem mér líkar ekki, en það er engin spuring, Rafa er svo reynslumikill, honum finnst hugmyndin að því örugglega skemmtileg að einhverju leyti.“