Romelu Lukaku samdi við enska knattspyrnufélagið Chelsea á dögunum en hann var keyptur þangað frá ítalska félaginu Inter Milan á 97,5 milljónir punda.
Leikmaðurinn hefur áður spilað fyrir Chelsea en honum tókst ekki að verða byrjunarliðsmaður hjá liðinu á þeim tíma og fór þaðan til Everton og svo til Manchester United. Hann fór loks til Inter Milen árið 2019 og hefur raðað inn mörkum fyrir félagið. Hann varð Ítalíumeistari með liðinu á síðasta tímabili.
Stuðningsmenn Inter eru brjálaðir yfir sölunni á Lukaku og hafa látið ljót orð falla um leikmanninn á samfélagsmiðlum. Lukaku skrifaði opið bréf til stuðningsmanna á Twitter síðu sinni og þakkaði þar stuðningsmönnum fyrir frábæra tíma.
„Ég vil segja takk kæru stuðningsmenn. Takk fyrir að láta mér og fjölskyldunni líða vel í Mílanó,“ sagði Lukaku á Twitter.
„Ég vona að þið skiljið þessa ákvörðun hjá mér, að fara til Chelsea er stóra tækifærið í lífinu. Þetta er skrefið sem mig hefur alltaf dreymt um á þessum tímapunkti á ferlinum.“
— R.Lukaku Bolingoli9 (@RomeluLukaku9) August 15, 2021
