Það eru engar líkur á því að Liverpool fái Federico Chiesa, vængmann Juventus, í sumar. Fabrizio Romano greinir frá þessu.
Hinn 23 ára gamli Chiesa heillaði með ítalska landsliðinu sem varð Evrópumeistari í sumar.
Hann hefur verið á láni hjá Juventus frá Fiorentina síðan í fyrra og verður hann það áfram fram á næsta sumar. Eftir það ber Juventus hins vega skilda að kaupa hann, samkvæmt samningi við Fiorentina.
Chiesa hefur verið orðaður við Liverpool í sumar en samkvæmt Romano, sem veit nánast alltaf hvað hann syngur í félagaskiptamálum, gerir enska félagið sér grein fyrir að stjórn Juventus taki það ekki í mál að selja leikmanninn. Hann er sagður ósnertanlegur.
Bayern Munchen hefur einnig sýnt Chiesa áhuga. Þar á bæ gera menn sér þó einnig grein fyrir stöðunni, Chiesa er ekki til sölu.
