Félagaskipti Rúnar Alex Rúnarssonar frá Arsenal til tyrkneska félagsins Altay Spor á láni gætu verið í hættu. Það er vegna þess að Altay Spor er ekki tilbúið til þess að greiða jafnhátt lánsfé og Arsenal biður um. Football.london greinir frá.

Rúnar kom til Arsenal fyrir síðustu leiktíð. Hann lék alls sex leiki fyrir félagið í öllum keppnum.

Hann hóf tímabilið í fyrra sem varamarkvörður á eftir Bernd Leno en var hins vegar orðinn þriðji markvörður í janúar með komu Mat Ryan til Arsenal.

Ekki er talið að Rúnar sé í plönum Arsenal á næstu leiktíð. Því stóð til að hann færi á lán. Nú gætu félagaskipti hans til Tyrklands hins vegar ekki gengið upp að ofangreindum ástæðum.

Altay Spor leikur í efstu deild Tyrklands á næstu leiktíð eftir að hafa komist upp úr B-deild á síðustu leiktíð.