Fernando Torres er að gerast þjálfari hjá U-19 ára liði uppeldisfélags síns, Atletico Madrid.

Hinn 37 ára gamli Torres vinnur nú í því að ná í þjálfaragráður hjá UEFA. Starfið mun veita honum dýrmæta reynslu.

Spánverjinn lék síðast sjálfur með Sagan Tosu í Japan. Hann var þar á árunum 2018 til 2019.

Á atvinnumannaferlinum gerði hann garðinn frægan með Liverpool, Chelsea og AC Milan, sem og auðvitað Atletico.

Þá lék hann 110 landsleiki fyrir hönd Spánar á sínum ferli. Hann skoraði í þeim 38 mörk.

Hann var hluti af mögnuðu landsliði sem vann Evrópumeistaratitilinn árin 2008 og 2012. Þá var Torres einnig í heimsmeistaraliðinu árið 2010.