Henrikh Mkhitaryan segir knattspyrnustjórann Jose Mourinho gera hvað sem er til þess að sigra knattspyrnuleiki.
Hinn 32 ára gamli Mkhitaryan mun leika undir stjórn Mourinho á nýjan leik á næstu leiktíð. Portúgalinn er nýr stjóri AS Roma á Ítalíu. Áður unnu Mkhitaryan og Mourinho saman hjá Manchester United þegar sá fyrrnefndi var leikmaður þar.
,,Mourinho er mjög metnaðarfullur. Hann vill alltaf sigra. Það skiptir hann ekki máli hvort við spilum góðan eða lélegan fótbolta. Það snýst allt um að ná í þrjú stig,“ sagði Mkhitaryan um portúgalska stjórann.
,,Það vita allir að hann hefur unnið nánast allt sem hægt er að vinna,“ bætti hann svo við.
Roma hafnaði í sjöunda sæti Serie A á síðustu leiktíð. Koma Mourinho færir stuðningsmönnum félögum klárlega ástæðu til þess að vera bjartsýnni fyrir næstu leiktíð.
