Tveir leikir fóru fram í Pepsi-Max deild kvenna í dag. Þór/KA tók á móti toppliði Vals á SaltPay vellinum og Breiðablik tók á móti Selfoss í Kópavoginum.
Arna Sif Ásgrímsdóttir gaf Valskonum forskotið þegar hún setti boltann í eigið net eftir 18. mínútna leik. Margrét Árnadóttir jafnaði fyrir Þór/KA á 35. mínútu en Dóra María Lárusdóttir kom Valskonum aftur yfir rétt fyrir lok fyrri hálfleiks. Ásdís Karen Halldórsdóttir bætti við þriðja markinu á 46. mínútu og þar við sat. Valur heldur toppsætinu með 29 stig eftir 12 leiki. Þór/KA er í 6. sæti með 13 stig.
Það var lítið að frétta framan af í leik Breiðabliks og Selfoss á Kópavogsvellinum, en Breiðablik komst í 1-0 forystu þegar Agla María Albertsdóttir skoraði úr víti á 77. mínútu. Bergrós Ásgeirsdóttir jafnaði fyrir Selfyssinga tveimur mínútum síðar, en Taylor Marie Ziemer skoraði sigurmarkið fyrir Breiðablik á 81. mínútu með góðu skoti rétt fyrir utan teig. Breiðablik fylgir fast á eftir Valskonum í 2. sæti með 27 stig. Selfoss situr í 3. sæti með 18 stig.
Lokatölur:
Þór/KA 1 – 3 Valur
0-1 Arna Sif Ásgrímsdóttir (’18, sjálfsmark)
1-1 Margrét Árnadóttir (’35)
1-2 Dóra María Lárusdóttir (’45)
1-3 Ásdís Karen Halldórsdóttir (’46)
Breiðablik 2– 1 Selfoss
1-0 Agla María Albertsdóttir (’77, víti)
1-1 Bergrós Ásgeirsdóttir (’79)
2-1 Taylor Marie Ziemer (’81)
