Brynjólfur Andersen Willumsson skoraði þrennu í dag er hann skaut Kristiansund áfram í aðra umferð Norska bikarsins. Kristiansund tók á móti liði Volda sem spilar í fjórðu efstu deild Noregs.
Volda komst í tveggja marka forystu í fyrri hálfleik, en Brynjólfur skoraði fyrsta mark Kristiansund á 61. mínútu áður en Amidou Diop jafnaði metin á 86. mínútu.
Brynjólfur gerði út um leikinn í framlengingu með tveimur mörkum á 110. og 119. mínútu. 4-2 sigur Kristiansund niðurstaða og liðið komið í aðra umferð Norska bikarsins.
