Jón Guðni Fjóluson lék allan leikinn í 3-1 sigri Hammarby á Maribor í fyrri leik liðanna í 2. umferð forkeppni Sambandsdeildarinnar í kvöld. Leikið var á Tele2 Arena vellinum í Stokkhólmi.
Öll mörkin í leiknum komu í seinni hálfleik en það var Astrit Selmani sem gerði öll þrjú mörk heimamanna. Nino Sugelj jafnaði tímabundið metin fyrir Maribor á 60. mínútu.
Seinni leikur liðanna fer fram á Ljudski vellinum í Maribor næsta fimmtudag.
Lokatölur:
Hammarby 3 – 1 Maribor
