Knattspyrnumaðurinn Gylfi Sigurðsson er sagður vera í gæslu allan sólarhringinn af breska fjölmiðlinum Daily Mail. Hann á að halda sig á skjólshúsi á vegum félags hans Everton, þar sem einhver fylgist með honum.
Í frétt blaðsins er nafn Gylfa ekki getið, en hann hefur ekki verið nafngreindur í breskum miðlum af lagalegum ástæðum.
Samkvæmt heimildum DV hefur náinn fjölskyldumeðlimur farið út til Bretlands að styðja hann.
Enski miðillinn slær því upp að Alexandra Helga Ívarsdóttir, eiginkona Gylfa Þórs, hafi flutt út af heimili þeirra hjóna og því haldið raunar fram að það hafi hún gert nokkrum vikum áður en hann var handtekinn af lögreglu fyrir helgi.
Sannleikurinn er hinsvegar sá að hjónin voru á Íslandi í sumarfríi en síðan hélt Gylfi til Englands til að hefja æfingar hjá Everton. Alexandra Helga dvaldist hins vegar áfram á Íslandi ásamt dóttur þeirra.
Líkt og fjallað hefur verið um í vikunni er Gylfi Þór grunaður um kynferðisbrot gagnvart barni, sem hefur meðal annars orðið til þess að hann var sendur í leyfi frá félagi sínu Everton.
Hann hefur verið handtekinn og yfirheyrður vegna málsins, en er ekki í haldi lögreglu. Þá hafa breskur fjölmiðlar fullyrt að Gylfi harðneiti ásökunum sér á hendur.
