Íslandsmeistarar Breiðabliks sitja á toppnum eftir 7-2 stórsigur á ÍBV í Pepsi-Max deild kvenna í kvöld.
Heiðdís Lillýardóttir gerði fyrsta markið á 5. mínútu áður en að Chloé Nicole Vande Velde tvöfaldaði forystuna fyrir Blika sjö mínútum síðar. Þóra Björg Stefánsdóttir minnkaði muninn fyrir ÍBV á 20. mínútu með marki úr vítaspyrnu en Heiðdís var svo aftur á ferðinni á 33. mínútu þegar hún skallaði boltann í netið eftir hornspyrnu frá Áslaugu Mundu. Hanna Kallmeier minnkaði muninn í 3-2 með skalla úr aukaspyrnu en Hildur Antonsdóttir bætti við fjórða markinu fyrir Blika átta mínútum síðar.
Selma Sól Magnúsdóttir bætti svo við fimmta markinu á 83. mínútu. Hin stórefnilega Áslaug Munda Gunnlaugsdóttir bætti við sjötta markinu á 90. mínútu og Hildur Antonsdóttir kórónaði sigur Breiðabliks á 92. mínútu með öðru marki sínu í leiknum. Niðurstaða 7-2 sigur Breiðabliks.
Breiðablik situr á toppi deildarinnar, einu stigi á undan Val með 24 stig eftir 11 leiki, en Valur á leik til góða gegn Þrótti R. seinna í kvöld.
Í öðrum leikjum kvöldsins gerðu Selfoss og Þór/KA 1-1 jafntefli og Tindastóll vann 2-1 sigur á Fylki.
Karen María Sigurgeirsdóttir kom Þór/KA yfir á 34. mínútu. Eva Núra Abrahamsdóttir jafnaði fyrir heimamenn á 80. mínútu. Selfoss situr í 3. sæti með 18 stig eftir 11 leiki. Þór/KA situr í 6. sæti með 13 stig.
Murielle Tiernan kom Tindastól yfir á 7. mínútu. Laura-Roxana Rus tvöfaldaði forystuna á 27. mínútu. Helena Ósk Hálfdánardóttir minnkaði muninn á 67 mínútu en Fylki tókst ekki að jafna metin.
Fylkir situr á botni deildarinnar með 9 stig eftir 11 leiki. Tindastóll er í 8. sæti með 11 stig.
Lokatölur:
Breiðablik 7 – 2 ÍBV
1-0 Heiðdís Lillýardóttir (‘5)
2-0 Chloé Nicole Vande Velde (’12)
2-1 Þóra Björg Stefánsdóttir (’20)
3-1 Heiðdís Lillýardóttir (’33)
3-2 Hanna Kallmaier (’64)
4-2 Hildur Antonsdóttir (’72)
5-2 Selma Sól Magnúsdóttir (’83)
6-2 Áslaug Munda Gunnlaugsdóttir (’90)
7-2 Hildur Antonsdóttir (’92)
Tindastóll 2 – 1 Fylkir
1-0 Murielle Tiernan (‘7)
2-0 Laura-Roxana Rus (’27)
2-1 Helena Ósk Hálfdánardóttir (’67)
Selfoss 0 – 1 Þór/KA
0-1 Karen María Sigurgeirsdóttir (’34)
1-1 Eva Núra Abrahamsdóttir (’80)
