Kolbeinn Sigþórsson var í fantaformi með IFK Göteborg í sænsku úrvalsdeild karla í dag. IFK Göteborg vann 3-2 sigur á Mjallby en Kolbeinn skoraði eitt mark og lagði upp tvö í leiknum.
Amin Sarr kom Mjallby yfir á 20. mínútu áður en Kolbeinn jafnaði metin fyrir Göteborg 19 mínútum síðar eftir stoðsendingu frá Sebastian Eriksson og staðan 1-1 í hálfleik. Marcus Berg kom Göteborg yfir á 52. mínútu eftir stoðsendingu frá Kolbeini áður en Amin Sarr jafnaði metin á 60. mínútu með öðru marki sínu í leiknum.
Kolbeinn lagði svo upp sigurmarkið fyrir Alexander Jallow á 83. mínútu og 3-2 sigur Göteborg niðurstaða.
IFK Göteborg situr í 7. sæti deildarinnar með 15 stig eftir 11 leiki. Mjallby situr í 13. sæti með 10 stig eftir 11 leiki.
