Fram tók á móti ÍBV í uppgjöri tveggja efstu liða Lengjudeildarinnar í dag. Leikurinn var liður í 12. umferð. Jafntefli varð niðurstaðan.
Markalaust var í leikhléi eftir fremur bragðdaufan fyrri hálfleik.
Indriði Áki Þorláksson kom Fram yfir á 71. mínútu. Hann skoraði þá með skalla eftir hornspyrnu.
Sito svaraði um hæl fyrir ÍBV hinum megin á vellinum og jafnaði með flottu marki.
Albert Hafsteinsson fékk gullið tækifæri til að koma heimamönnum aftur yfir þegar fimm mínútur lifðu leiks. Þá fékk Fram víti. Spyrna hans var hins vegar slöpp og greip Halldór Páll Geirsson í marki ÍBV boltann.
Lokatölur á Framvellinum urðu 1-1.
Fram er sem fyrr á toppi deildarinnar. Liðið er með 32 stig, 9 stigum meira en ÍBV sem er í öðru sæti.
