Þýska goðsögnin Lothar Matthaus segir að enskir stuðningsmenn hafi átt skilið að sjá liðið tapa í vítaspyrnukeppni í úrslitaleik EM.
Eins og þekkt er tapaði England í vítaspyrnukeppni gegn Ítalíu í úrslitaleik Evrópumótsins síðasta sunnudag. Marcus Rashford, Jadon Sancho go Bukayo Saka klúðruðu allir vítum fyrir England.
“Enskir stuðningsmenn voru vondir við litlu stelpuna í þýsku landsliðstreyjunni,” skrifaði Matthaus í SportBILD.
“Þeir púuðu á þjóðsöngva og beindu laser að Kasper Schmeichel í vítinu sem Raheem Sterling fiskaði.”
“Auk þess beittu þeir kynþáttafordómum gegn eigin leikmönnum eftir úrslitaleikinn. Kæru Englendingar, þetta viljum við aldrei sjá aftur.”
“Leiðinlegt fyrir leikmennina, en þið eigið skilið að hafa tapað í vítaspyrnukepnninni,” sagði Matthaus í SportBILD.
