Miðvörðurinn William Saliba er að ganga til liðs við Marseille í Frakklandi á eins árs lánssamningi frá Arsenal. Næsta skref enska félagsins verður að reyna að ganga frá kaupum á Ben White, miðverði Brighton. Fabrizio Romano greinir frá.
Saliba er tvítugur og kom til Arsenal sumarið 2019. Hann hefur þó ekki enn leikið fyrir aðallið félagsins. Hann var á láni hjá Saint-Etienne, liðinu sem Arsenal keypti hann frá, tímabilið 2019 til 2020. Hann kom svo aftur til enska félagsins síðasta sumar en kom ekkert við sögu áður en hann var lánaður út til Nice í janúar. Næsti áfangastaður er svo enn eitt franska félagið, Marseille.
Ben White er 23 ára gamall miðvörður. Hann var í enska landsliðinu sem komst í úrslitaleik Evrópumótsins í sumar en kom ekkert við sögu.
White er metinn á um 50 milljónir punda. Samkvæmt Romano hefur Arsenal þegar náð samkomulagi við leikmanninn sjálfan.
Þá er miðjumaðurinn Albert Sambi Lokonga við það að gangi í raðir Arsenal frá Anderlecht í Belgíu.
