Þeir Anton Ari Einarsson og Gunnar Birgisson brugðu sér í hlutverk gæslumanna á leik Aftureldingar og Fram í Lengjudeild karla í gær.

Anton Ari er 26 ára gamall markvörður Breiðabliks í Pepsi Max-deildinni. Hann er uppalinn hjá Aftureldingu og var því að aðstoða sitt gamla félag í gær. Bróðir Antons, Magnús Már Einarsson, er aðalþjálfari Aftureldingar.

Gunnar starfar sem íþróttafréttamaður á RÚV. Þá hefur hann einnig séð um þáttinn ,,Skólahreysti“ síðustu ár.

Leiknum lauk með 0-2 sigri Fram. Liðið er langefst í Lengjudeildinni. Það hefur 9 stiga forskot á ÍBV, sem er í öðru sæti.

Gæslan á Afturelding-Fram. @grjotze og Anton Ari. pic.twitter.com/iEu6SaIoGe

— Þorkell Gunnar Sigurbjörnsson (@thorkellg) July 9, 2021