Ansi skondið atvik kom upp er ítalska landsliðið yfirgaf æfingasvæðið sitt í Flórens í morgun.

Rútubílstjórinn lagði þá af stað með leikmenn og starfsfólk innbyrðis en enginn tók eftir að aðstoðarþjálfarann Gianluca Vialli vantaði.

Rútubílstjórinn stoppaði svo þegar maður á svæðinu sem sá Vialli koma skokkandi að rútunni steig fyrir hana.

Vialli er goðsögn í ítalska boltanum. Hann lék til að mynda fyrir Juventus og Sampdoria. Þá lék hann einnig með Chelsea á Englandi. Hann á 59 leiki að baki fyrir ítalska landsliðið.

Myndbandið af þessu fyndna atviki má sjá hér fyrir neðan.

#ITA team bus nearly left without Gianluca Vialli 🤣 pic.twitter.com/658IQ2oB0j

— Football Daily (@footballdaily) July 10, 2021