Ísak Bergmann Jóhannesson vonarstjarna íslenska fótboltan hjólaði í Helga Mikael dómara á Instagram eftir leik Víkings og ÍA í gær.

Víkingur tók á móti ÍA á Víkingsvelli í gær. Leiknum lauk með 1-0 sigri Víkinga. Leikurinn byrjaði nokkuð rólega en Víkingar stjórnuðu leiknum og áttu nokkur góð færi. Skagamenn voru þó hættulegir í skyndisóknum og náðu að ógna þar. Víkingar fengu vítaspyrnu í uppbótartíma og Nikolaj Hansen skoraði örugglega úr spyrnunni og tryggði Víkingum þrjú stig.

Skagamenn voru æfir í leikslok yfir því að Helgi Mikeal Jónason hefði dæmt vítaspyrnu. Einn af þeim var Ísak Bergmann en faðir hans er Jóhannes Karl GUðjónsson þjálfari ÍA, sjálfur spilar Ísak með Norrköping í Svíþjóð.

„Trúðalestin enn og aftur. Hvenær á þessi gæi að hætta að dæma í efstu deild,“ segir Ísak reiður á Instagram og birtir myndir með af útsendingu Stöð2 Sport.

Ísak segir að Helgi elski athyglina en Ísak er nú ekki þekktur fyrir að láta í sér heyra. „Hann elskar athyglina. Það eru ekki allir mættir að horfa á þig Helgi Mikael.“

„Þið eruð flottir. Rosa flottir. Til hamingju núna fáið þið athygli. Það sem þið vilduð,“ skrifaði Ísak virkilega reiður á Instagram.