Jamie Carragher hefur viðurkennt að hann hafi skipst á smáskilaboðum við Harry Maguire til að veita honum stuðning og góð ráð eftir að varnarmaðurinn var handtekinn í Grikklandi síðasta sumar.
Maguire var handtekinn fyrir það að ráðast á lögreglumann en hún hafði komið á staðinn eftir að breskir ferðamenn höfðu abbast upp á Harry Maguire fyrir utan bar.
Maguire átti erfitt á þessum tíma og bauð Carragher fram aðstoð sína en hann sagði frá þessu í dálki hans í Telegraph.
„Það skiptir engu máli hve andlega sterkur þú ert, það er ómögulegt að takast á við fréttaflutning af þessu tagi,“ sagði Carragher í The Telegraph
„Þetta hefur ekki bara áhrif á þig, þú sérð sársaukann í fjölskyldu og vinum og það hefur mest áhrif á þig.“
„Við skiptumst á nokkrum skilaboðum og þar reyndi ég að nýta mína reynslu af slæmum fréttaflutningi til að hjálpa.“
„Ég sagði honum að halda ótrauður áfram og að þetta gengi yfir að lokum,“ sagði Carragher í The Telegraph.
