Rafael Benitez var staðfestur sem stjóri Everton í vikunni og eru stuðningsmenn félagsins vægast sagt ósáttir. Benitez þjálfaði Liverpool í langan tíma og vann meðal annars Meistaradeildina árið 2005 hjá félaginu og var í miklum metum hjá stuðningsmönnum. Sportsmail tók saman lista yfir hvað Benitez þarf að gera til að ná árangri hjá Everton.
Halda stjörnuleikmönnunum
Carlo Ancelotti er stórt nafn og náði til dæmis að lokka James Rodriguez til félagsins. Nú er hætta á því að hann vilji fara ásamt Richarlison en þeir eru ósáttir hjá félaginu. Þá er Ancelotti sagður vilja fá Dominic Calvert-Lewin til Real Madrid. Benitez verður að halda stjörnunum ef hann ætlar að vinna stuðningsmennina á sitt band og ná árangri.
Reyna að ná aðdáendum á sitt band
Þetta verður ekki auðvelt fyrir kallinn. Benitez hefur sterk tengsl við Liverpool og eru stuðningsmenn Everton ósáttir við það. Auðveldasta leiðin til þess að fá aðdáendur á sitt band er líklega að vinna leiki, þá verða þeir fljótir að gleyma.
Bæta leikstílinn
Everton hefur spilað leiðinlegan bolta síðustu ár og hafa stuðningsmenn verið ósáttir við varnarsinnaðan bolta. Benitez er nú ekki þekktur fyrir að spila bullandi sóknarbolta en það er von fyrir hann ef hann gerir það.
Eyða peningum skynsamlega
Þetta hljómar auðvelt en fyrri stjórum hefur ekki tekist þetta vel. Liðið er nú blanda af leikmönnum frá mörgum stjórum og þarf Benitez að taka til í hópnum. Það mun taka tíma fyrir hann að búa til sitt lið og þarf hann að vera í góðum samskiptum við stjórnarmenn Everton varðandi leikmannakaup.
Hann verður að ná Evrópusæti
Þetta er það sem stuðningsmenn Everton vilja og Benitez verður að skila Evrópusæti. Draumurinn er að ná í Meistaradeildina og ef hann næði því markmiði færu stuðningsmenn líklega fljótt á Benitez-vagninn.
