Belgar eru komnir í 8-liða úrslit á EM 2020 eftir sigur á Portúgal í gær. Hvorugt liðið var tilbúið til að taka mikla áhættu í fyrri hálfleik. Leikurinn var því nokkuð lokaður.
Það kom því eins og þruma úr heiðskíru lofti þegar Thorgan Hazard skoraði fyrir Belga með skoti fyrir utan teig á 42. mínútu. Rui Patricio í marki Portúgala misreiknaði boltann, hefði líklega mátt gera betur. Staðan í hálfleik var 1-0. Portúgal hélt boltanum vel í upphafi seinni hálfleiks en náði ekki að opna varnarlínu Belga.
Þegar leið á hálfleikinn fór leikurinn þó að opnast. Portúgalir fengu sín tækifæri til að jafna á meðan Belgarnir reyndu skyndisóknir hinum megin. Belgía landaði þó 1-0 sigri og er liðið komið í 8-liða úrslit. Þar mætir það Ítalíu á föstudaginn. Evrópumeistarar
Eftir leik sauð á Cristiano Ronaldo og tók hann fyrirliðabandið af sér og sparkaði í það. Eru margir Portúgalar ósáttir við hegðun fyrirliðans og saka hann um óvirðingu gagnvart bandinu.
Atvikið má sjá hér að neðan.
The Portuguese media are raging at Cristiano Ronaldo after he was seen kicking the captain's armband after the defeat against Belgium yesterday. 😳 pic.twitter.com/TgMj08GGgg
— FutbolBible (@FutbolBible) June 28, 2021
