Valarenga vann Arna-Björnar í Íslendingaslag í norsku úvalsdeild kvenna í dag.

Ingibjörg Sigurðardóttir var í byrjunarliði Valarenga og kom liðinu yfir á 71. mínútu.

Hin bráðefnilega Amanda Andradóttir kom inn á þegar um hálftími var eftir af leiknum. Hún innsiglaði sigur Valarenga á 75. mínútu. Lokatölur 2-0.

Markvörðurinn Guðbjörg Gunnarsdóttir sat á varamannabekk Arna-Björnar í leiknum.

Valarenga er eitt af fjórum liðum sem eru með fullt hús stiga eftir fjóra leiki á leiktíðinni.

Guðbjörg og stöllur eru hins vegar enn án stiga í tíunda sæti, neðsta sæti deildarinnar.