Joan Laporta forseti Barcelona á sér þann draum að fá Cristiano Ronaldo til félagsins í sumar. Frá þessu segir AS á Spáni.
Þar segir að draumur Laporta sé að framlengja samning Lionel Messi á næstu dögum og reyna svo að klófesta Ronaldo.
Samningur Messi er á enda í lok mánaðarins en viðræður eru sagðar á ágætis stað og lifir Barcelona í þeirri trú að hann skrifi undir.
Juventus er tilbúið að losa sig við Ronaldo sem er 36 ára gamall en hann og Messi hafa verið bestu knattspyrnumenn í heimi í meira en áratug.
Laporta er sagður vilja bjóða Juventus nokkra leikmenn í skiptum fyrir Ronaldo en óvíst er hvort fyrrum hetja Real Madrid sé klár í að fara til Barcelona.
