Riyad Mahrez leikmaður Manchester City fór á skeljarnar í Grikklandi í gær og bað Taylor Ward um að giftast sér.

Parið hefur verið saman í 16 mánuði en mahrez er þrítugur en Ward er 23 ára gömul. Faðir hennar er Ashley Ward fyrrum knattspyrnumaður, hann lék með Manchester City og Leicester líkt og Mahrez.

Taylor Ward hefur verið áberandi í enskum fjölmiðlum síðustu ár en hún var áður í ástarsambandi með Kun Aguero fyrrum framherja Manchester City.

Mahrez sparaði ekkert þegar hann keypti hringinn handa Ward en enskir miðlar segja að hann hafi kostað 400 þúsund pund eða tæpar 70 milljónir íslenskra króna.

Parið hefur verið á eyjunni Mykonos síðustu daga með fjölskyldu og vinum Ward en Mahrez bauð öllum til Grikklands með einkaflugvél.