Tottenham hefur hafnað fyrsta tilboði Manchester City í framherjann Harry Kane sem vill fara frá Tottenham í sumar.
Daniel Levy stjórnarformaður Tottenham ætlar sér að reyna að halda í Kane í sumar. City bauð 100 milljónir punda og leikmann að auki.
Fabrizio Romano segir að City sé tilbúið að láta Raheem Sterling, Aymeric Laporte eða Gabriel Jesus til Tottenham í skiptum.
Levy hafnaði þessu tilboði en talið er að málið muni komast betur á hreint eftir Evrópumótið, fari svo að Kane setji mikla pressu á Tottenham um að selja sig gæti City látið til skara skríða.
Talið er að Kane vilji fara til að spila í Meistaradeildinni en Levy sem er harður í horn að taka ætlar sér ekki að selja.
