Leigh Nicol, leikmaður kvennaliðs Crystal Palace, hefur kært klámsíðuna Pornhub eftir að persónulegu myndefni af henni var dreift á síðuna án hennar samþykkis.

Þessi 25 ára gamli leikmaður tók sér hlé frá knattspyrnuiðkun árið 2019 eftir að óprúttinn aðili hafði hakkað sig inn á iCloud reikning hennar. Í kjölfarið var efni af henni svo lekið á netið.

Efnið náði aftur til ársins 2014 þegar Nicol var aðeins 18 ára gömul. Í kjölfar lekans lokaði hún á alla samfélagsmiðla.

Hún hefur nú staðfest að hún sé ein af fjórum breskum konum sem kærðu Pornhub nýverið vegna þess að efni af þeim hafði ratað þangað inn án þeirra samþykkis. Efnið var tekið af vefsíðunni en Nicol lét það ekki stöðva sig.

Hún hefur áður opnað sig um það að hversu mikinn toll lekinn tók af henni andlega. Hún talaði til að mynda um það í vetur að hún hafi íhugað að taka eigið líf.