Frakkland og Þýskaland mættust í stórleik kvöldsins í F-riðli á Evrópumótinu í knattspyrnu. Leiknum lauk með 1-0 sigri Frakka.
Leikurinn var nokkuð jafn til að byrja með og lítið um opin færi. Á 20. mínútu varð Hummels fyrir því óheppilega atviki að skora sjálfsmark. Eftir markið tóku Þjóðverjar yfir og voru sterkari aðillinn en náðu ekki að koma boltanum í netið og staðan 1-0 í hálfleik.
Seinni hálfleikur líktist þeim fyrri, Þjóðverjar voru meira með boltann en náðu ekki að opna gríðarsterka vörn Frakka. Frakkar skoruðu þó tvö mörk sem voru dæmd af vegna rangstöðu, það fyrra skoraði Mbappe en það seinna Benzema.
Frakkar fara í 2. sæti riðilsins með 3 stig en Þýskaland er í því þriðja með 0 stig.
Frakkland 1 – 0 Þýskaland
1-0 Hummels sjálfsmark (´20)
