Arsenal eru í viðræðum um að sækja Nabil Fekir, sóknarsinnaðan miðjumann hjá Real Betis á Spáni. Þetta segir spænski miðillinn AS.
Samkvæmt miðlinum hefur Arsenal þegar boðið í leikmanninn. Því boði var hins vegar hafnað fljótt þar sem Betis vill mun hærri fjárhæð. Það kemur þó ekki fram hver upphæðin var.
Þrátt fyrir að Betis hafi hafnað fyrsta tilboði í þennan 27 ára gamla leikmann þá halda viðræður félaganna áfram.
Arsenal er í leit að manni sem getur leikið framarlega á miðjunni. Þeim mistókst að landa Emiliano Buendia frá Norwich á dögunum. Aston Villa hreppti hann að lokum.
