David De Gea launahæsti leikmaður Manchester United er ekkert að velta því fyrir sér að yfirgefa félagið í sumar eins og sögusagnir hafa verið á kreiki um.

De Gea er með 375 þúsund pund á viku eða 65 milljónir íslenskra króna. Hann er sáttur með launapakki sinn og ætlar ekki að fara.

Í enskum blöðum kemur fram að De Gea ætli sér að vinna sæti sitt í byrjunarliðinu til baka, hann er vongóður um að það takist.

Ole Gunnar Solskjær stjóri liðsins fór að treysta á Dean Henderson undir lok mótsins og þurfti De Gea að setjast á bekkinn.

De Gea hefur ekki verið í sínu besta formi síðustu mánuði en hann hefur verið í tíu ár hjá félaginu.