Phil Foden leikmaður Manchester City hefur látið aflita hárið á sér í aðdraganda Evrópumótsins sem hefst í vikunni.
Þessi magnaði 21 árs gamli leikmaður verður í stóru hlutverki hjá enska landsliðinu í sumar.
Foden lét aflita á sér hárið og hefur það vakið mikla athygli, er hann sagður feta sömu fótspor og Paul Gascoigne gerði á Evrópumótinu árið 1996.
Gazza aflitaði hárið á sér fyrir mótið en hann er einn hæfileikaríkasti leikmaður sem England hefur átt. Hann hefur hins vegar verið umdeildur að ferli loknum og háð erfiða baráttu við bakkus.
Foden gæti fetað í fótspor Gazza innan vallar en utan vallar virðist hann öllu rólegri, þrátt fyrir heimskupör í Reykjavík á síðasta ári.
