Þrír leikir fóru fram í 5. umferð Lengjudeildar karla í kvöld. Grindavík tók á móti Selfossi, Þróttur sótti Gróttu heim og Afturelding tók á móti Fjölni.
Grindavík vann góðan sigur gegn Selfyssingum í rokinu á Grindavíkurvelli. Aron Jóhansson skoraði eina mark leiksins. Með sigrinum fer Grindavík upp í 3. sætið og Selfoss er í 11. sæti.
Grindavík 1 – 0 Selfoss
1-0 Aron Jóhannsson (´63)
Þróttarar komu til baka gegn Gróttu og sóttu 2-2 jafntefli. Grótta byrjaði leikinn af krafti og braut Pétur Theódór ísinn strax á 7. mínútu leiksins. Björn Axel tvöfaldaði forystu heimamanna á 28. mínútu. Halldór Kristján Baldursson sá rautt spjald á 74. mínútu eftir brot í teignum, upp úr því fengu Þróttara vítaspyrnu og Samuel Ford brást ekki bogalistin af punktinum. Hann jafnaði leikinn 10 mínútum seinna úr frábærri aukaspyrnu og þar við sat.
Eftir leikinn er Grótta í 4. sæti og Þróttur er í 10. sæti með jafnmörg stig og Selfoss en betri markatölu.
Grótta 2 – 2 Þróttur
1-0 Pétur Theódór Árnason (´7)
2-0 Björn Axel Guðjónsson (´28)
2-1 Samuel George Ford (´75)
2-2 Samuel George Ford (84)
Fjölnir kom einnig til baka á móti Aftureldingu eftir að hafa lent 2-0 undir. Elmar Kári kom Aftureldingu yfir eftir aðeins 7 mínútur. Georg Bjarnason tvöfaldaði forystuna á 65. mínútu. Þá vöknuðu Fjölnismenn og minnkaði Valdimar Ingi muninn á 86. mínútu og Jóhann Árni jafnaði nokkrum mínútum síðar og tryggði Fjölni 1 stig úr leiknum.
Afturelding er í 9. sæti, stigi fyrir ofan Þróttara á meðan Fjölnismenn sitja sáttir í 2. sæti deildarinnar.
Afturelding 2 – 2 Fjölnir
1-0 Elmar Kári Enesson Cogic (´7)
2-0 Georg Bjarnason (´65)
2-1 Valdimar Ingi Jónsson (´86)
2-2 Jóhann Árni Gunnarsson (´90)
Markaskorar eru fengnir frá fotbolti.net
