Thomas Tuchel stjóri Chelsea ætlar að styrkja lið sitt verulega í sumar þrátt fyrir að hafa verið að vinna Meistaradeildina um helgina.
Tuchel vill bæta við framherja og Telegraph opinberar það hvaða menn eru á innkaupalista félagsins. Þar kemur fram að Chelsea útiloki ekki að kaupa Harry Kane, framherjinn vill fara frá Tottenham.
Talið er líklegast að Kane fari til Manchester City en verðmiðinn á honum verður í kringum 150 milljónir punda.
Romelu Lukaku framherji Inter er einnig á lista Chelsea en hann var áður í herbúðum Chelsea og gæti nú snúið aftur til félagsins.
Tuchel vill samkvæmt Telegraph kaupa Adama Traore kantmann Wolves og gera úr honum vængbakvörð. Tuchel skoðar einnig Jonas Hofmann, leikmann Borussia Monchengladbach en Tottenham og Leicester hafa líka áhuga á honum.
Declan Rice miðjumaður West Ham er áfram á lista Chelsea en 100 milljóna punda verðmiði West Ham fælir félög frá. Aurelien Tchouameni hjá Monaco er líklegri kostur fyrir Chelsea.
Tuchel ku fá um 200 milljónir punda tli að kaupa leikmenn í sumar, að auki getur hann selt leikmenn og fengið fjármuni fyrir það. Tammy Abraham, Fikayo Tomori og fleiri eru til sölu.
