Ísland tapaði 2-1 í æfingaleik gegn Mexíkó sem fram fór í Dallas í Bandaríkjunum í nótt. Marga af bestu leikmönnum Íslands vantaði í verkefnið.

Ísland komst yfir í fyrri hálfleik þegar Birkir Már Sævarsson lék á varnarmenn Mexíkó og hamraði boltanum í átt að marki. Ekki er öruggt að Birkir fái markið skráð á sig enda virtist boltinn á leið framhjá þegar hann fór í varnarmann.

Ísland var mikið mun betra í fyrri hálfleik en gaf verulega eftir í þeim síðari þar sem Hirving Lozano skoraði tvö fyrir Mexíkó.

Tap staðreynd en frammistaðan stóran hluta leiksins virkilega góð

Plús og mínus úr leiknum eru hér að neðan.

Plús

Það var virkilega gaman að sjá Ísak Bergmann Jóhannesson byrja sinn fyrsta A-landsleik, efnilegasti knattspyrnumaður Íslands átti fína spretti. Sérstaklega var gaman að sjá hann í varnarpressu, þá hluti leiksins gerði hann virkilega vel.

Óhætt er að fullyrða að Kolbeinn Sigþórsson framherji Íslands hafi ekki verið jafn frískur og öflugur í fimm ár, virðist lok laus við öll meiðsli og spilar mikið í Svíþjóð. Það sást í Dallas í nótt þar sem Kolbeinn var öflugur.

Aron Einar Gunnarsson lagði líf sitt og sál í leikinn. Fékk högg að því virtist á rifbeinin í fyrri hálfleik og það hafði áhrif á hann, fór af velli eftir tæpa klukkustund.

Arnar Þór Viðarsson og hans teymi getur fagnað þessum sigri í kvöld, erfiður undirbúningur þar sem nánast enginn vildi mæta í verkefnið en frammistaðan var öflug.

Mínus:

Hörður Ingi Gunnarsson var í vandræðum stærstan hluta leiksins, elti manninn sinn illa og var oft nálægt því að gefa mark.

Íslenska liðið féll alltof aftarlega á völlinn í síðari hálfleik og bauð hættunni heim, liðið virkaði hálf bensín laust.