Það hefur gustað um hjónabandið hjá Peter Crouch fyrrum leikmanni enska landsliðsins og Abbey Clancy en saman eiga þau fjögur börn. Áður en fjórða barnið Jack kom í heiminn fyrir ári síðan var samband Crouch og Abbey í tómu tjóni, þau hötuðu hvort annað að hennar sögn. Abbey segir að fjórða barnið hafi bjargað hjónabandinu.
„Ég ætlaði mér ekki að eignast fleiri,“ sagði Abbey en þau eiga saman Liberty sem er fimm ára, Johnny er þriggja ára og Jack sem er eins árs, fyrir áttu þau Sophia sem er tíu ára.
„Ég var að máta föt þegar konan spurði mig hvort ég væri ófrísk. Hún sá það á líkama mínum, ég hringdi í Crouch og ætlaði að láta hann vita en hann var með félaga sínum. Ég var hrædd, það voru tveir tímar í að hann kæmi heim en ég fékk tíma til að hugsa þetta.“
„Við hötuðum hvort annað á þessu tímabili, ég veit því ekki hvernig ég varð ófrísk ef ég er heiðarleg. Við köllum hann guðsgjöf, hann er frábær.“
Abbey sagði frá því að Crouch hefði á dögunum týnt Jack sem er eins árs þegar þau voru í dýragarði. „Ég fór á klósettið, ég var í burtu í eina sekúndu og þegar ég kom sat Crouch bara þarna. Ég spurði hvar barnið væri. Við fundum hann ekki, ég fór á taugum. Hann hafði sloppið út um hlið á leikvelli þarna og komið sér inn þar sem lömbin voru. Þar var á og allt, ég var svo hrædd. Ég réðst á Crouch þar fyrir framan alla.“
„Ég skvetti kaffibolla á hann og lamdi hann, ég styð ekki ofbeldi en ég fór á taugum. Ég var svo hrædd, þetta var hræðilegt.“
„Ég er stressuð með allt en Crouch er rólegur, reyndar alltof rólegur.“
