Cristiano Ronaldo leikmaður Juventus hefur vakið athygli á Ítalíu fyrir atvik sem átti sér stað í skjóli nætur, þar lét Ronaldo flytja bílaflota sinn burt úr borginni.

Stór sendiferðabíll frá fyrirtæki sem sérhæfir sig í því að ferja dýra bíla mætti að heimili hans. Sama fyrirtæki mætti á svæðið þegar Ronaldo flutti til Ítalíu fyrir þremur árum.

Bílaflotinn sem Ronaldo flutti frá Ítalíu í gær kostar 17 milljónir punda eða tæpa 3 milljarða íslenskra króna. Þarna má finna Bugatti, Maseratte, Benz jeppa, Ferrari og fleiri fallega bíla.

Talið er næsta víst að Ronaldo fari frá Juventus í sumar og sú staðreynd að hann er að flytja bílaflota sinn frá Torino ber þess merki. Fjöldi starfsmanna mætti á svæðið til að flytja bílana en Ronaldo mætti á svæðið og ræddi við mannskapinn.

Fyrirtækið Rodo Cargo sá um að taka bílana af heimili Ronaldo en óvíst er hvert farið verður með þá. Sama fyrirtæki kom með bílaflota Ronaldo frá Madríd fyrir þremur árum.

Ronaldo hefur verið orðaður við Sporting Lisbon á heimalandi sínu en einnig við endurkomu til Real Madrid eða Manchester United.