Norski miðilinn VG fjallar um Viðar Örn Kjartansson og einkalíf hans á vefsíðu sinni í dag. Þar segir að Viðar hafi nýlega orðið einhleypur og möguleiki sé á að einkalífið hafi truflað framgöngu hans innan vallar.
Viðar Örn og barnsmóðir hans, Thelma Rán Óttarsdóttir hafa ákveðið að slíta sambandi sínu en Viðar leikur með Vålerenga í norsku úrvalsdeildinni.
„Þetta eru réttar fréttir,“ sagði Viðar Örn þegar VG spurði hann út í endalok ástarsambandsins.
„Það hafa verið nokkur vandamál með þessu, auðvitað hjálpar þetta ekki. Það er persónulegt og ég reyndi að halda persónulegu lífi mínu heima og einbeita mér að fótboltanum.“
„Ég ætla að komast í gegnum þetta, þetta hjálpar auðvitað ekki. Ég vona að ég komist í gegnum þetta.“
Viðar er ein skærasta stjarnan í norska boltanum. „Fyrsta markið er alltaf það erfiðasta á hverju tímabili, ég er vanur því.“
