Ejub Purisevic hefur verið ráðinn aðstoðarþjálfari Þorvalds Örygssonar hjá Stjörnunni. Félagið tilkynnti þetta fyrr í kvöld.

Sjálfur tók Þorvaldur við sem aðalþjálfari á dögunum eftir uppsögn Rúnars Páls Sigmundssonar.

Ejub þekkir vel til hjá félaginu en hann hefur unnið í yngri flokka starfinu þar.

,,Ejub þekkir félagið inn og út og verður mikill styrkur í því að hafa hann mér við hlið,“ sagði Þorvaldur eftir ráðninguna.

Þeir félagar verða því saman með liðið gegn Víkingi í Pepsi Max-deildinni á morgun.

,,Ég er mjög ánægður með traustið sem Þorvaldur og félagið er að sýna mér,“ sagði Ejub.