Jurgen Klopp stjóri Liverpool skilur Ole Gunnar Solskjær stjóra Manchester United vel að hafa gert miklar breytingar á liði sínu gegn Leicester. Liverpool er nú í verri stöðu er varðar baráttu í Meistaradeildinni eftir tap United í gær.

Leicester er nú níu stigum á undan Liverpool en Liverpool heimsækir United á morgun, United lék á sunnudag, í gær og á leik á morgun.

„Þetta var liðið sem ég átti von, ekki alveg en ég vissi að Solskjær yrði að gera breytingar,“ sagði Klopp.

„Þeir spiluðu sunnudag, þriðjudag og fimmtudag. Ég hef sagt það 500 sinnum að það er glæpur að spila á sunnudag, þriðjudag og fimmtudag.“

„Þetta er ekki Ole Gunnar Solskjær að kenna eða leikmönnum. Hefði ég gert það sama? Já, þú verður að gera það. Það er langt liðið á tímabilið og United er komið í úrslit Evrópudeildarinnar, það er ansi mikið af leikjum. Það er ekki hægt að spila á sunnudag, þriðjudag og fimmtudag.“

„United er í fríi næstu helgi, ég sé ekki um planið en þegar þetta var allt í gangi þá taldi ég þessu yrði raðað öðruvísi upp. Enska úrvalsdeildin útskýrði mál sitt að ekkert lið ætti að tapa á því sem gerðist í Manchester.“

„Það gekk ekki alveg upp, það tapaði enginn nema kannski Liverpool og West. EF við komumst ekki í Meistaradeildina er það ekki Ole Gunnar Solskjær eða ensku deildina að kenna. Það hefði samt verið hægt að gera hlutina öðruvísi.“