Kantmaðurinn Atli Hrafn Andrason er að ganga í raðir ÍBV frá Breiðablik. Þetta kemur fram á Twitter síðu Dr. Footblal.
„Við erum alltaf með mann í Landeyjarhöfn, Atli Hrafn Andrason var að rölta inn í Herjólf,“ segir í færslunni.
Atli Hrafn gekk í raðir Breiðabliks síðasta sumar en hefur ekki náð að festa sig í sessi í Kópavoginum, áður lék hann með Víkingi.
Atli Hrafn ólst upp í KR en fór ungur að árum til Fulham í Englandi, hann kom heim fyrir tímabilið 2018 en Atli er fæddur árið 1999.
ÍBV tapaði illa í fyrstu umferð gegn Grindavík í Lengjudeildinni en mikið hefur verið lagt í lið ÍBV fyrir tímabilið.
Við erum alltaf með mann í Landeyjarhöfn, Atli Hrafn Andrason var að rölta inn í Herjólf. pic.twitter.com/gRoy1E8c4b
— Dr. Football Podcast (@drfootballpod) May 12, 2021
