Erling Haaland framherji Borussia Dortmund verður til sölu í sumar en aðeins ef uppsett verð verður borgað fyrir þennan magnaða sóknarmann.

Dortmund hefur samkvæmt Sky Sports í Bretlandi sett 150 milljóna punda verðmiða á framherjann tvítuga sem raðað hefur inn mörkum í eitt og hálft ár.

Manchester City, Real Madrid, Barcelona, Chelsea, Manchester United og fleiri lið hafa verið orðuð við hann. Óvíst er hvort eitthvað félag hafi þessa fjármuni til að spila úr.

PSG er einnig sagt horfa til Haaland en með Neymar og Kylian Mbappe í sínum röðum er erfitt að sjá PSG koma Haaland fyrir í launapakka sínum.

Eftir rúmt ár verður hægt að kaupa Haaland á rúmar 60 milljónir punda frá Dortmund en slík klásúla er í samningi hans við félagið.