West Brom tók á móti Wolves í 34. umferð ensku úrvalsdeildarinnar í kvöld. Leiknum lauk með 1-1 jafntefli liðanna.
WBA þurfti nauðsynlega á sigri að halda til að eiga einhvern möguleika á að halda sér í deildinni. Bæði lið áttu sína spretti í fyrri hálfleik en það var Fábio Silva sem braut ísinn fyrir Wolves með síðustu spyrnu fyrri hálfleiks með nokkurri heppni. Otasowie átti frábæran sprett, gaf á Vitinha sem rúllaði boltanum áfram og Silva skaut í knöttinn sem fór í Bartley sem gerði það að verkum að boltinn breytti um stefnu og flaug yfir Johnstone í markinu.
WBA sótti stíft í seinni hálfleik í leit að jöfnunarmarki. Diagne uppskar loks og jafnaði metin fyrir heimamenn á 63. mínútu með kröftugum skalla af stuttu færi. Heimamenn héldu áfram að sækja en ekki komu fleiri mörk í þennan leik og WBA færist því nær sæti í Championship á næstu leiktíð.
West Brom er í 19. sæti deildarinnar með 26 stig, heilum 10 stigum á eftir Newcastle í öruggu sæti. Wolves er í 12. sæti deildarinnar með 42 stig.
WBA 1 – 1 Wolves
0-1 Silva (´45+2)
1-1 Diagne (´63)
